شخصيه غريبه

عرفت انسان... 
قلت عليه شخصيه غريبه... 
تصارفاته عجيبه.... 
كلامه مش مفهوم...
أكيد مش ده اللي هشاركه حياتي...
مش عارف هو عايز ايه منك...
اتعرفت عليه اكتر...
اتعلقت بيه كل يوم عن اللي قبله...
حبيت كل حاجه كنت كارهه فيه...
أتخيلت حياتك هتبقى عامله ازاي معاه...
بقى نفسك تتكلم معاه كتير...
لقيت نفسك مبسوط وأنت بتكلمه...
وكل اللي كنت بتقوله عليه اتقلب العكس...
حسيت أنه ممكن يكون هو ده اللي مكتوبلك.
لقيت نفسك بتعشق كل حاجه فيه...
متقدرش تستغنى عنه...
ولقيت الانسان اللي كنت مستغربه وقعت في حبه....

الناس اشكال

معرفة الناس كنوز...في ناس توديك لقدام...وتخليك انسان احسن مما كنت عليه...تخليك شايف الدنيا حلوه قدامك..مطمن عشان جمبك اللي بيخافوا عليك وبيحبوك...ولو محتار في حاجه بتلاقيهم دايما بيرشدوك للصح..بتلاقيهم دايما بينصحوك انك تعمل الحاجه اللي في مصلحتك...وفي اللي ترجعك لورا...تخسرك كل حاجه..تلاقي نفسك بقيت شخص انت مش حابه...و مينوبكش من الناس دي غير المشاكل ووجع الدماغ..بيبقوا عايزينك متكونش احسن منهم...بتلاقي حياتك بدل ما تمشي لقدام بترجع لورا...

مش دايمه

لو كان الحزن دايم علينا...مكنتش دموعنا نشفت على خدنا...مكناش مسحناهم أول ما تيجي عينا في عين حد ونخبي كسرتنا بضحكه على وشنا وبكلمة مفيش...لو كانت الدنيا دايمه..مكناش خوفنا من بكره مخبيلنا إيه..كنا سيبنا كل اللي حوالينا نايمين زعلانين... مكناش ندمنا على حاجه عملناها وخدت عمرنا منا...لو كانت المفاجأة احسن من الانتظار... مكناش سهرنا الليل واحنا بنتمنى حاجه..نصحى تاني يوم نلاقيها في أيدنا..مكناش إتقهرنا لما لقيناها مبقتش لينا بعد طول انتظار...لو كان اللي حوالينا دايمين مكنش جه علينا يوم وحسينا فيه أننا لوحدنا..مكناش قولنا لما نسمع صوت حد بعد طول غياب ''ايه اللي فكرك بيا''..مكناش حسينا للحظه اننا متمسكين بإنسان بكل ما فينا عشان مش عايزينه يضيع من إيدنا...مكنش جه اليوم اللي أتكسرنا لفراق حد و حسينا اننا نفسنا نسمع منه مجرد كلمه أو نسأله على حاله..مكناش هنقول ''الله يمسيه بالخير''لما تيجي سيرته..لو كان الفرح دايم مكناش كل ما نضحك كتير نقول''خير اللهم اجعله خير''...لو الظلم كان دايم..مكنش في لكلمة''كما تدين تدان''وجود..مكنتش الدنيا لفت ودارت تخلص في حقوق ناس من ناس..اصل مفيش حاجه دايمه ولا بتفضل على حالها..

سكنت داخلنا..

احيانا نبكي لا حزنا ولا فرح...نبكي عشقا لروح سكنت داخلنا...نتمنى القدر ان يجمعنا سويا وان يجعله لنا وحدنا...نبكي لهفه لرؤيته...نعشق رائحته...نفسه المتقطع حين يحادثنا...نبرة صوته حين ينطق اسمنا..نظرة عينه التي تقول هذه حبيبتي التي اعشقها..لمسة يده حينما يقول انا لك وانت لي..لن احب احدا سواكي...سوف يجمعنا بيت واحد..ولن يكون لي اطفال إلا منك...نعشق ملامحه التي لا تفارق خيالنا..وفي داخلنا نقول لا احد يملى عيننا سواه...ندعي الله ان يحفظه لنا و يجعله من نصيبنا...

سكنت داخلنا..

احيانا نبكي لا حزنا ولا فرح...نبكي عشقا لروح سكنت داخلنا...نتمنى القدر ان يجمعنا سويا وان يجعله لنا وحدنا...نبكي لهفه لرؤيته...نعشق رائحته...نفسه المتقطع حين يحادثنا...نبرة صوته حين ينطق اسمنا..نظرة عينه التي تقول هذه حبيبتي التي اعشقها..لمسة يده حينما يقول انا لك وانت لي..لن احب احدا سواكي...سوف يجمعنا بيت واحد..ولن يكون لي اطفال إلا منك...نعشق ملامحه التي لا تفارق خيالنا..وفي داخلنا نقول لا احد يملى عيننا سواه...ندعي الله ان يحفظه لنا و يجعله من نصيبنا...

الثقه

عارف لما تثق في حد أوي وتبقى عارف من جواك أنه عمره ما هيئذيك...ولو جه حد قالك عليه حاجه ما تصدقهوش...لما تقوله على كل حاجه وأنت عارف أن مش هيشارككوا حد تالت في اللي انت قولته...ولما يقولك على أي حاجه تصدقه على طول من غير ما تفكر لأنك عارف أنك آخر واحد ممكن يكدب عليه...لما تبقى متأكد جواك أنك آخر واحد ممكن يهون عليه واكيد عمره ما هيفكر يبيعيك... لما تبقى عارف أنه وراك في كل حاجه انت بتعملها و يوم ما يجرالك أي حاجه هو أول واحد هتلاقيه قدامك...لما تأمنه على نفسك وماتخفش لا يخونك...
فكر كده لو في حد في حياتك بتثق فيه بالشكل ده...دلوقتي ماعدش في اللي تثق فيه غير نفسك...جرب تخاف على زعلك اكتر ما بتخاف على زعل أي حد تاني و خلي جواك فكرة أن نفسك عزيزه أن يجي يوم وتتكسر....
لما تثق في حد أوي بتأمنه على كل حاجه في حياتك...بس لو في يوم لقيت حد خان ثقتك فيه بتحس بكل حاجه فيك إتقتلت ومعدتش قادر تصدق حد تاني...بتلاقي بدل الثقه اللي كانت جواك شك بيتبني...واكن الثقه دي زي الإزاز اللي لو أتكسر مينفعش ترجع تصلحه تاني ولو فكرت تحاول تصلحه هيعورك...

منبه

الليل بيجي يصحي جوانا...كل مشاعر الحنين لأشخاص مبقوش موجودين في حياتنا...بيفتح جوانا كل جرح مر عليه وقت طويل...الندم على كل لحظه مكنش نفسنا تحصل في ماضينا ويخلينا نقول جوانا ياريت لو الزمن يرجع بينا لورا كنا غيرنا حاجات كتييير....يحسسنا أننا في أمس الحاجه لإنسان يقف جمبنا في أي وقت بيمر وهيمر علينا..وأن في حد هيسمعنا من غير ما يمل مننا...بيصحي جوانا كل حاجه احنا بنفتقدها في حياتنا ونفسنا فيها...احساس نفسنا نحس بيه...اشخاص نفسنا يبقوا حوالينا..بيصحي جوانا أننا فعلا محتاجبن...نحس بشوية فرحه يملوا علينا عمرنا اللي جاي...وان يوم ما نكون زعلانين نبقى مطمننين لأننا عارفين لو بصينا هنلاقي اللي واقفلنا في ضهرنا وبيهون علينا...بنفتكر كل حاجه محيارانا و قاتلانا من كتر التفكير فيها ونسأل نفسنا ألف سؤال بس في الأغلب مش بنوصل لحاجه ونرجع تاني لنقطة البدايه...وأكن الليل منبه بيصحي كل حاجه جوانا ونقعد الليل بطوله نفتكرها ونفكر فيها...

عمرها ما كانت بالبدايه

الكلام مش على البدايه
ياما جه علينا يوم حسينا انه حلو من أوله وجه في
الآخر قلب علينا.. 
وياما صحينا متشائمين من اول اليوم
بس رجعنا نمنا وأحنا مبسوطين..
وياما قابلنا شخص وقلنا جوانا هو ده...
بس في الآخر جه شخص تاني قفلك حكاية هو ولا مش هو ونساك كل اللي قبله... 
وياما مشينا في الطريق اللي قلنا هو ده اللي هيوصلنا لحلمنا ولقينا نفسنا وصلنا ل ولا حاجه واحنا حاسين بالفشل وماجاش في بالنا أننا خدنا.. 
الطريق الغلط من الأول... 
محدش فينا بيفتكر أول أي حاجه في حياتنا دايما بنفضل فاكرين هي خلصت على ايه وبيفضل جوانا الاحساس اللي اتقفلت بيه كل حكايه في حياتنا...
لأن الكلام دايما على النهايه...

الوحده

الوحده عامله زي اللي تايه في صحره ما هيصدق يلاقي حد يظهرله في طريقه عشان يطلعه منها...واكنه متعلق في قشه خايف يسيبها ميلاقيش اللي يخرجه منها...وخايف يتعلق بيها يلاقيها في يوم رمته وولا سألت فيه...متعلقش نفسك بحد أوي وتفتكر أنه هيفضل جمبك لمجرد انك حاسس بالوحده و خايف تلاقي نفسك ماشي في الدنيا لوحدك...لو جه وسابك هتبقى رجعت تاني للوحده بس وأنت جواك جرحين

الفراق

الفراق صعب وبيوجع...بنبقى مش قادرين نقف على رجلينا... بنفضل واقفين مكانا ولا عارفين نرجع لورا ولا قادرين نمشي قدام...بنحس ان الحياه وقفت عند اللي خسرناهم...بنبقى مش قادرين نعيش من غيرهم...بنحس ان جوانا حرقه غريبه...كل ما بنروح مكان بنحس بروحهم حولينا...مش قادرين نشوف حد غيرهم...مش بنتخيل حياتنا هتبقى عامله ازاي من غيرهم...بنحس أننا ضعاف أوي أننا نقدر ننساهم ونكمل حياتنا...بنفتكرهم في كل دقيقه بتعدي علينا كل يوم وبيبقى نفسنا يكونوا جمبنا وميرحوش في مكان...كل مانسمع اسمهم بنحس ان قلبنا واجعنا ونفسنا نسمع صوتهم ونعرف انهم كويسين ولا لأ...بس الحياه مش بتوقف عند حد وزي مابنخسر ناس بنكسب ناس...كل حاجه بنخسرها بيبقى وراها سبب مش بنكتشفه إلا لما نكمل طريقنا ونقف على رجلينا

احلى الاوقات

مفيش احلى من
انك تقابل شخص غايب عنك بقالوا فتره بابتسامه حلوه تحسسه انك كان نفسك تشوفه
انك تشوف اللي بتحبه وقلبك بينبض وعينيك مليانه فرحه ولسانك مشلول مش قادر تقوله وحشتني من كتر مانتا مبسوط بشوفته
انك تشوف شخص بتعزه بقالك كتير مشفتهوش وتعملوا نفس اللي كنتوا بتعملوه زمان وترجع البيت و انت حاسس ان قلبك بيرقص من الفرحه
ان يكون في حد واحشك وعندك استعداد تدفع نص عمرك وتسمع صوته وتلاقيه هو اللي بيكلمك
انك تشوف حد وتفتكره رخم و ميتطاقش ويبقى أعز صحابك وميتعوضش
انك تلاقي ناس مهما الزمن لف ودار بيهم هما زي ما هما أكنك لسه شايفهم امبارح
لما تتقالك كلمة وحشتني على غفله من شخص بتحبه وتحس بيها
انك تقعد مع صحابك وتضحك من كل قلبك لحد ما بطنك توجعك
انك تطلع حد من ضيقه وتلاقيه بيضحك في وشك وبيقولك روح ربنا يفتحها عليك
انك تلاقي شخص انت غلطت في حقه جامد ورجعت تكلمه ولاقيته بيكلمك عادي أكن محصلش حاجه عشان شاريك وباقي عليك
ان حد يقولك كلمه وتضحك وتفتكر حد عزيز عليك على طول بيقولهالك
انك تعافر على حاجه بقالك كتير وتحصل وتلاقي نتيجة تعبك
ان حد يحسسك باهتمام وانه خايف عليك وانك غالي عليه وانه عنده استعداد يضحي بأي حاجه عشانك
انك تنام مطمن ومرتاح ومش شايل هم حاجه وتصحى مبسوط على صوت اللي بتحبه
انك تنام بليل وأنت مفيش حاجه قتلاك من كتر التفكير فيها
انك تصحى الصبح وأنت رايح مشوارك وتدي أي مسكين اللي فيه النصيب ويدعيلك احلى دعوه تفتحلك يومك
انك تكون فاكر انك مش هتقدر تعيش من غير شخص وتلاقي نفسك نسيته و بقيت اقوي من الأول وأحسن من غيره

حقيقة انسان

لو عايز تعرف انسان على حقيقته
شوفه وهو متعصب هيقول ايه...شوفه في وقت شدتك هيبقى جمبك ولا هيعمل نفسه ولا يعرفك...شوفه بعد ما تعمله اللي هو كان عايزه منك هيفضل معاك ولا هيسيبك وهيمشي..شوفه لما يعرف ناس جديده هيطنشك وهيمشي وراهم ولا هيفضل برضه باقي عليك...شوفه لما متكلمهوش لفتره طويله هيكلمك بعتاب وانه زعلان انك مش بتسأل عليه علشان بيعزك ولا مش هيفرق معاه عشان أنت أصلا مش فارق معاه...شوفه لما تبقى زعلان منه هيتأسفلك ومش هيعمل اللي يزعلك ويضايقك منه ولا مش هيبقى فارق معاه...شوفه لما تكون بقالك كتير مشوفتهوش هيقابلك بضحكه صفره ولا هيجري عليك وياخدك في حضنه ويقولك وحشتني...شوفه لما يكون بقاله كتير مسمعش صوتك هيكلمك ولا وجودك زي عدمه بالنسباله..

عصفور

لما تلاقي نفسك حزين و مكسور بتحس اكنك عامل زي العصفور اللي جناحه مكسور موجوع بس مش عارف يعمل ايه ولا عارف يطير و يستحمل الوجع ولا عارف يفضل مكانه...بتتمنى اللي يداوي وجعك...بيبقى نفسك في حد تترمي في حضنه و تنسى كل حاجه...تسمع صوت حد يواسيك و يقولك زي ما ضاقت زي ما هتفرج...و ساعات بيبقى نفسك تبعد بوجعك عشان محدش يشوفك وأنت مكسور...

هتقابل

في حياتك لازم هتقابل كتير من الأشخاص...منهم اللي جواه شفاف زي المرايا...اللي قلبه صافي زي الطفل مش بيشيل جواه حاجه ولو صالحته بكلمه حلوه يصفالك...واللي الدنيا والناس جت عليه كتير بس هو زي ما هو مش بيتكسر أبدا...اللي بيحبك و باقي عليك ومهما عملت فيه هيفضل مستنيك و عنده استعداد ينسى كل حاجه بس انك تقوله كلمه... اللي عنده طموح غريب ومش بيتنازل عن اللي عايزه لحد مايوصله...اللي الهموم و الحزن فوق كتافه قادرين يهدوا جبال...اللي سايبها على الله ومهما جراله مش بيتهز أبدا... اللي همه على مصلحته و العشره بتهون عليه ومش باقي على حد...خليك زي الطفل قلبك أبيض بيضحك على طول ومش شايل هم حاجه...

أغراض

في ناس بيبقي ليها أغراض من اهتمامها بيك..فيهم اللي شايلك ف قلبه..فيهم اللي مصلحة...فيهم اللي يفضل وراك و أول ما تحس بيه و تتعلق بيه يقل اهتمامه...متغيرش طريقتك مع حد لما توصل للي انت عايزه و تمل منه و من وجوده في حياتك ...خلي اهتمامك بيه يزيد كل يوم عن اللي قبله و حسسه انك جمبه...لأن مع الوقت هيمل و مش هيفرق معاه وجودك من عدمه

تايه

لما تبقى مش عارف انت عايز ايه في حياتك...بظبط زي لما تمشي تايه في طريق طويل ملوش اتجاهات....مش عارف هيوصلك لفين و هتوصل لأيه...أعرف انت عايز ايه في حياتك و أمشي في الطريق اللي هتوصل بيه للي انت عايزه

مش بتقف على حد

نحب ناس...نكره ناس...نشتاق لناس...وناس تدخل حياتنا...وناس تمشي منها...فيهم اللي أتمنينا يفضلوا جمبنا...و فيهم اللي أدانا ضهره و كمل حياته من غيرنا...و ناس يهمهم أمرنا و أمرهم ميهمناش...ونجري ورا ناس ولا على بالهم...بس في الآخر الحياه مش بتقف على حد

الانتظار

الانتظار مثل النار إذا طال مدته أكل صاحبه و أنطفئ...فلا تدع أحد ينتظرك و لا تضع أحد على الهامش

ضلك

في ناس ف حياتنا زي اللمبه ينورولك شوية و بعد كدا بينطفوا للأبد،و في ناس زي المصباح بيبقى ماشي معاك زي ضلك وبيدلك على الطريق الصح و دايما هيفضلوا معاك...حب اللي في صالحك...وأجري ورا الحاجة اللي تقدمك مش ترجعك لورا...و أدي لكل حاجه وقتها

اللي بيحبك بجد

اللي بيحبك بجد عمره ما هيديلك ضهره...اللي بيحبك هتلاقيه جمبك زي ضلك بيدلك على الصح والغلط...هتلاقي نفسك كل ما تكون فرحان نفسك تجري عليه عشان يشاركك فرحتك...وكل ماتكون زعلان برضه هتجري عليه عشان ينسيك حزنك و يمسح دمعتك و يطبطب عليك...هتلاقيه نفسه يشوفك احسن واحد...ولما يلاقي عيب فيك حيحاول يغيره...هتلاقيه مددلك أيده في كل لحظه عشان يقولك أنا جمبك مش حسيبك...هتحس أنه أقرب حد ليك من أي حد...لما تيجي تتكلم معاه هتلاقي نفسك حاسس أنك بتكلم نفسك ومش بتخاف على شكلك لا يطلع بايخ في اللي انت بتقوله 

متزعلش

متزعلش
لما تلاقي اللي بتهتم بأدق تفاصيلهم مش مدينلك ربع الاهتمام ده
لما تلاقي حد كنت فاكر انك عزيز عنده و طلعت ولا حاجه بالنسباله
لما تقدر حد و ميقدركش بكره لما يقدر حد و ميقدرهوش هيفتكرك
لما تلاقي الدنيا كلها واقفه ضدك و كل الطرق مسدوده قدامك و مش عارف ايه اللي هيحصل
لما تكون حاطط آمالك على حاجه ومتحققتش
لما تندم على فرصه ضاعت من أيدك و اتمنيت لو تيجي الفرصه دي تاني
لما تلاقي نفسك وقعت و ملقتش حد مددلك أيده عشان يرفعك
لما تكون مضايق و مش لاقي اللي يشيل عنك الحمل
لما تبص في صورك القديمه مع ناس كانت قريبه ليك و دلوقتي ولا تعرفهم
لما تكون عايز تتكلم مع حد بتحبه وهو ببساطه مش سأل فيك
لما تلاقي حد مضايق و بيطلع عصبيته عليك لأن هو عارف انك اكتر واحد هتستحمله
متزعلش

حال الفراق

وحينما يتركنا من نحب...نصبح كالذين يقفون  في الليل على النواصي يحدقون في الماره وكأنهم يبحثون عن شئ في ثناياهم ولا يجدوه...او كالذي يختلس النظر من وراء النافذه ولا يريد ان يراه احد حيث اننا نراقب كل تحركاتهم في صمت ومن بعيد فقط لنطمئن انهم بخير...ويكون هو كالشبح الذي يسكن في عقولنا واجسادنا فلا نستطيع التفكير سوى فيه ويصبح جسدنا كالميت لا يقوى على التحرك ولا نعرف كيفية التخلص منه...و حينما يسألنا احد هل مازلت تذكره او تعرف شئ عنه حينها نلبس قناع اللامبالاه ويصبح بمثابة غريب لا يهمنا امره..فيكون الجواب انه اصبح شخص عادي بالنسبة لنا  ولا نعرف احواله ولكنه في داخلنا لم ولن يكون إلا الشخص الذي تسعد العين لرؤياه و ينبض القلب بحبه...

حبة امل

مسيروا يجي اليوم...
اللي تعمل فيه كل حاجه كان نفسك تعملها...
تقول كل الكلام اللي كاتم على نفسك ومجاتلوش  الفرصه عشان يخرج من جواك...    
مسيروا يجي اليوم...              
اللي يتعدل فيه بختك المايل...                
اللي تلاقي فيه كل حاجه كنت بتتمناها بين ايديك..
تلاقي فرصه احسن الف مره من اللي ضيعتها في حياتك...
تلاقي حياتك بقت زي ما كنت بتتمنى تعيشها...
مسيرك تلاقي الشخص اللي هتأمنوا على نفسك وتدعيله قبل منك...
ومسيرك تعرف...
ان مش عشان بيبان كتيير اتقفلت في وشك يبقى حظك قليل و ربنا مش ييحبك هو بس مخبيلك اللي تستاهلوا..
ان مش عشان اشخاص كتيير بعدت عنك يبقى العيب فيك...
مسيرك تعرف ان كل حاجه ندمت عليها وكل لحظة ضيقه عشتها هي اللي خلتك الشخص اللي انت فيه دلوقتي...

اول بداياتي مع الكتابه...( اعرف انك كبرت)

لما متحسش بالفرحة في العيد زي ما كنت بتحس بيها زمان 
لما تكون قلقان و خايف من بكرة مخبيلك أية 
لما تكون هموم الدنيا كلها فوق دماغك 
لما تنام على الكنبة و تصحى بردو على الكنبة 
لما حد يوجعك في قلبك
لما تكون بتداري حزنك بضحكة
لما تحس بالوحدة و مش لاقي حد جانبك
لما تفتح التلفزيون لمجرد دوشة عشان متحسش بالوحدة
لما تكون بتتمنى راحة البال
لما ساعات تتمنى ان الزمن يرجع بيك لوره
لما تلاقي الدنيا حواليك بتديق و الخوف و القلق و
الحزن بيكبروا و الفرحة بتقل جواك
لما تلاقي نفسك لوحدك و مسئولياتك كل يوم بتزيد
لما معدتش تاخد مصروفك و بقيت تصرف على
نفسك
لما تلاقي يوم عيد ميلادك انك كبرت سنة بس عمرك بينقص
ساعتها أعرف انك كبرت..

مرور الوقت

مع مرور الوقت بنلاقي نفسنا بنحب حاجات مكناش بنحبها...بنكره حاجات كنا بنحبها...وحاجات كنا بنتمناها مبقتش فارقه معانا...وحاجات مش في أيدنا و بنكون هنموت عليها...و نبعد عن اللي شارينا و نجري ورا اللي بايعنا....و ترجع بذاكرتك لورا لأي موقف تلاقيك بتقول في نفسك أنا ازاي عملت كده أو كنت كده وأنت مش عارف إزا كنت انت اتغيرت ولا الزمن اللي اتغير....
‫

متخليش حياتك

12 · Edited · 

متخليش حياتك تقف...عند كلمة مستحيل...عند
كلمة مش هتقدر...عند حد قرر أنه يسيبك و مفكرش حتى يلتفتلك...عند حاجه كان نفسك تحصل و محصلتش...عند حلم كان نفسك يتحقق و رسملك ابتسامه و أمل أنه ممكن يتحقق و طلع مستحيل...عند هدف كان نفسك توصله و بنيت مستقبلك عليه و معرفتش توصل...عند صديق كنت فاكر انه وفي بس خذلك...عند أزمه و ضيقه و ولقيت أقرب ماليك عمل نفسه مش عارف..عند ندم على حاجه عملتها و بتقول جوه نفسك يارتني ما عملتها و لو يرجع بيك الزمن لورا مكنتش هتفكر تعملها.....عند حياه كنت راسمها لنفسك و لقيت نفسك بتعيش زي مالدنيا عايزاك تعيش...كل حاجه و ليها و قتها في حياتك و مفيش حاجه بتفضل زي ماهي...الوقت بينسي...ولازم تروح حاجات عشان تيجي مكانها حاجه تاني....

ناس

في ناس بتخليك تكره اليوم والساعه اللي عرفتهم فيها...و تتمنى متسمعش اسمهم ولا تشوف وشهم...و يخلوك تقول ازاي في ناس كده واكيد انا مكنتش في وعيي وانا بفكر فيهم...في ناس بتخليك فاكر تاريخ اليوم اللي قابلتهم فيه و حافره جوا قلبك...وتتمنى انك كنت تعرفهم من اول يوم في حياتك...بيبقوا بالنسبالك طوق نجاه اللي ماسك فيه عشان تفضل في الدنيا....بيبقى نفسك تعيش ولو يوم زياده على عمرك عشان بس تبقى
جمبهم...
‫

لو ارتبطت

لما ترتبط بحد...اوعى تاخد رأي اللي حواليك على اي حاجه بينكوا...عشان كلهم هيقولولك كلام من منظور التجربه اللي هما عاشوها و بس...وكل واحد هيكون عايزك تعمل اللي هو فشل في انه يعمله...و هيحسسوك ان الشخص اللي انت معاه مش مناسب...عشان انت شايفه حاجه و هما شايفينه حاجه تانيه خالص...وعمرك ما هتلاقي اللي يقول كلمة حق او يوجهك للصح...كل واحد فينا ليه وجهة نظر مختلفه عن التاني عشان كده اعمل اللي يريحك في كل حاجه عشان متجيش تلوم على اللي مشيت ورا كلامه و صدقته...وفي الاخر محدش بيتحمل نتيجة قراراته غيرك....

لو لقيتي

تخيلي لو لقيتي اللي بيفضي نفسه عشان بس يكلمك...ويقوم من وسط لمة صحابه و يقولك وحشتيني على فكره...واول ما يصحى يكلمك وقبل ما ينام برضه يكلمك... وبدل ما يقولك انتي بتخنقي عليا تلاقيه بيقولك انتي اللي بتحلي دنيتي...لما تبقي معاه تلاقي ف عينيه في لمعه غريبه واكنه هيطير من الفرحه و نفسه يخدك جوا حضنه يخبيكي من كل الناس...لما تلاقيه بيقولك انتي بتعتي انا وبس و مجرد ما تكلمي راجل غيره تلاقيه هيموت من الغيره عليكي...وتلاقيه هو اول واحد بيعملك اي حاجه نفسك فيها...ولو في يوم كان هيموت من التعب وانتي مش عايزه تقفلي وتلاقيه قعد عشانك....
‫

one day

One day you'll find yourself no longer young...your head will be covered with white hair...when you look at the mirror you'll see wrinkles on your face and you'll feel that you are not pretty anymore...either you'll be surrounded by your family or you'll give your work all of your life time...you'll feel happy or sad about your life... at that time your memories will be your bestfriend..you'll not have time to do what you want..regret somethings you haven't done yet....
Do what makes you happy...you live once dont waste your time,it's your life..make your own rules no matter what happenes...

المحلات

حياتنا بقت عامله زي المحلات اوقات تلاقيها مليانه و متقدرش تدب رجلك في المكان...واوقات تانيه متلاقيش حد...واحنا كده بيجي علينا وقت نلاقي اشخاص كتيير دخلت حياتنا ونحتار نبقى على مين فيهم...وشويه و نلاقي نفسنا هنموت من الوحده....

بيبان

حياتك بيبان...في باب تفتحه و بعد ما تخرج بتسيبه موارب...وفي باب لما تخرج بتقفله بالمفتاح و ترميه...و هي كده ف حياتنا حاجات مش بنقدر ننساها فبنسيبها زي الباب الموارب...وفي حاجات بنحاول ننساها فبنقول نعتبرها زي الباب نقفل عليها و نضيع المفتاح عشان منعرفش نفتحه تاني..
‫

حياتنا العاطفيه

حياتنا العاطفيه بقت بتتلخص في ان...اللي مش مرتبط نفسه يلاقي اللي يملى الفراغ العاطفي اللي جواه...واللي مرتبط مستني يلاقي حد احسن من اللي هو معاه...والبنت مبقاش فارق معاها او عندها صبر انها ترتبط بحد كلوا بقى عايز الجاهز واكن الرجاله بقت بضاعه كل واحده تلحق فرصتها قبل ما حد تاني ياخدها منها و نادر جدا انك تلاقي واحده بتحب واحد وعندها استعداد تستناه مهما طال الوقت...والولد بقى ما بيصدق يلاقي واحده نضيفه وبقى بيقول جواه اما اسيبها على جمب و اعيش حياتي و هي كدا كدا موجوده...او يفضل يوعد في كذا واحده انه عايزها واكنهم قمصان لحد ما يلاقي اللي يليق عليه...

الخبطه

لما تكون راكب عربيه وماشي بيها و تتخبط منك..هتلاقي الخبطه باينه بس هتكمل طريقك...بس ساعات الخبطه بتبقى جامده و بتخليك مش عارف تمشي بيها...وهي كده في حاجات بتفضل معلمه جوانا ومش بننساها بس بنكمل حياتنا...وساعات في حاجات بتخلينا مش قادرين نكمل وبنفضل فتره بعيد وبعد كده بنرجع زي الاول..

الطقم

عارف لما تكون مطقم بنطلون مع تيشرت ومش بتلبسهم إلا مع بعض...وفي يوم جيت لقيت حاجه منهم ضاعت و ركنت التاني وفضلت تقول مفيش حاجه هتليق عليه تاني...وكل ما تشوفه تزعل عليه... وبعدها بفتره اشتريت حاجه وفي يوم فتحت الدولاب وقررت تغير الي فاضل من الطقم اللي ضاع مع اللي اشتريته واكتشفت انه احلى من الاول...(ربنا بياخد منك حاجات عشان يعوضك بالأحسن منها)

التعود

ا بيدخل في علاقه وفاكر نفسه طول الوقت بيعشق اللي قدامه ومش قادر يعيش من غيره...انك تتعود على حد يعني تتعود على وجوده كل يوم..تكلمه او تشوفه مش فارقه بس المهم متحسش انك لوحدك...انت بس بتكمل النقص اللي جواك بيه او حرمانك من وجود حد جمبك وبياخد بأيدك..بيهتم بيك..بيخاف عليك..يخرجك..تجري عليه تحكيله كل حاجه واكنك بتكلم نفسك..بس عمرك ما في يوم هتحس انه واحشك..بتخاف من فكرة انه يسيبك عشان بس مش عايز تدوق طعم الوحده...بس لو سيبته في يوم هتلاقي نفسك مش زعلان عليه هتبقى زعلان على حالك و المكان اللي بقى فاضي جواك وانك بقيت وحيد...بتبقى مش حابب اللي قدامك انت بس حابب الحاله اللي هو معيشهالك...عمرك ما بتفكر في تفاصيل شخصية اللي قدامك كل اللي بتفكر في حياتك و مزاجك بيبقى عامل ازاي وانت معاه...بتفضل تقنع نفسك انك بتحبه وهتلاقيك من نفسك عمرك ما فكرت تقوله كلمه حلوه هو بس اللي بيطلب منك وسواء انت او هو اللي قولتوها بتبقى مش حاسس بيها....في التعود انت بتدور على حد يملى الفراغ العاطفي اللي جواك..تحس بس بطعم الحب اللي شايف كل اللي حواليك عايشه وحاسس بيه..

لكل منا

لكل منا مبدئ لا يمكن ان يتخلى عنه...ولكل منا نقطة ضعف لا يخبر بها احد كي لا تصبح ورقه رابحه ضده في ايدي البعض....ولكل منا هدف يريد ان يحققه حتى وإن طال الوقت او مر العمر به...ولكل من أمنيه يحلم بها كل ليله ويدعي الله ان يحققها له...ولكل منا موقف حدث في حياته أثر فيه وجعله شخص مختلف...ولكل منا هناك شئ ما في ذاكرته يود نسيانه ولكنه يؤكد له في كل ليله انه من الأشياء الغير قابله للنسيان..

مزيفه

اغلب الحاجات اللي بنعملها عشان تفرحنا و تخرجنا من اللي احنا فيه بتبسطنا فعلا...بس بتبقى سعاده مزيفه مجرد انها تضيعلك وقتك و تخلي اليوم يجري بسرعه من غير ما تحس بأي إحساس مزعج يعكنن عليك مزاجك...فبقينا نشتهي سعاده حقيقيه...تحسسنا أننا لسه جوانا روح...ترجعلنا ضحكتنا بدل التكشيره اللي خلت وشنا كله تجاعيد وكأننا عجائز جري بيهم العمر وعلاماته بقت مرسومه على وشهم...بس عمر كله هم وغم ونكد..

السجن

ا برضه ييبقى جوانا احساس بس بنبقى مش قادرين ولا لاقيين الكلام والوقت المناسب عشان نعبر عنه... زي الشخص اللي محبوس في سجن كل ما يخرجوه يرجع تاني لسجنه ويسألوه في حد عاقل ممكن يعمل كده فيكون رده..السجن اهون بكتيير من اني اخرج واشوف ناس ماتتشافش او اعاشر ناس ماتتعاشرش...مانيش ضامن لو خرجت حياتي هتبقى عامله ازاي بعد السنين دي كلها اللي قضتها في الضلمه و الناس هتشوفني ازاي ولا هتتعامل معايا ازاي...ببساطه احنا بقينا نخاف نقول او نعبر باللي جوانا سواء خايفين من رد اللي قدامنا و شكلنا هيبقى عامل ازاي...او متأكدين ان اللي قدامنا عمره ما هيفهمنا او يحس بينا..

مش ليك

ساعات بنلاقي نفسنا هنموت على حاجه ونفضل نفكر فيها و ندعي ربنا انوا ينولهالنا وممكن نفضل فتره طويله على الحال ده...بس اوقات كتير ممكن تلاقي في إشارات من ربنا بتقولك الحاجه دي مش ليك ومش في صالحك بس احنا اللي بنكابر..وفي الأخر ربنا بيديهالك بس ساعتها منك لنفسك بتقول مش عايزها...عارف زي لما تعجبك حاجه في محل تزغللك عينيك و تفضل تتأمل نفسك وانت لابسها وتفضل رايح جاي تبص عليها وتقول ياما نفسي اشتريها بس لما يبقى معايا ويوم ما يبقى معاك تلاقيها مش حلوه عليك خالص وتلاقي نفسك بتقول اللي يشوفك من بره مايشوفكيش في اللبس..

الزواج 1

  الزواج...مفهموم يختلف من شخص لأخر...هناك من يتزوج لأنه يحب شخص 
ما ولا يريد من الدنيا سوى ان يجمعهم بيت واحد ويشيخوا سويا...وهناك 
منيتزوج ليهرب من بيته و بيئته المحيطه به واسباب اخرى لا يعلم بها احد سواه...وهناك من يتزوج ليصبح أب او أم ويشعر بمسؤليه تجاههم و يصبحوا اولادهم افضل منهم و يحققوا ما فشلوا هم في تحقيقه...وهناك من كان يبحث عن الحب ليتزوج و انتهت به الحكايه ان الحب يأتي بالعشره...وهناكمن ارتضت بأول شخص دق على بابها خوفا من المجتمع وكلمة عانس والمقولات المشهوره من الأم واصدقائها "القطر هيفوتك...وافقي يا بنتي دي الفرصه مش بتيجي إلا مره ومش بتتعوض وبكره تندمي انك رفضتي "....وهناك من تبحث عن خزنه متحركه للتزوجه وليس رجل وحب...وهناك من يخاف من فكرة الزواج..فهو حياة اخرى..مسؤليه اكبر..عمر جديد سوف تقضيه مع شخص اخر يشاركك في كل شئ...وهناك من يتزوج ليكمل نصف دينه كيفما يقولون او انه وجد كل من حوله يتزوجون و كونوا اسره إلا هو ف قد صفي به الأمر وحيد فحان وقت الأستقرار...(مهما اختلف مفهومنا عن الزواج فالكل منا نصيبه...فالنصيب هو الحكم في الأخير)...

لما مشيت

لما ابتديت تمشي كنت بتلاقي اللي ماسكلك إيدك وبيمشي معاك وبيدلك على خطوتك...بس لما عرفت تخطي خطوتك بنفسك لقيت رجليك هي اللي مسبتاك على الأرض...ساعات بيبقى نفسك تلاقي اللي واقفلك في ضهرك زي زمان و يلحقك قبل ما تقع...بس بترجع تاني تفوق وتلاقي نفسك لوحدك ولازم انت اللي تشيل نفسك وتختار طريقك بنفسك...هي الدنيا كده بتتولد وكل الناس حواليك... يجي عليك فتره تلقى نفسك لوحدك...وفي اواخر أيامك تلقى كل اللي اتجمعوا يوم ميلادك اتجمعوا يوم مماتك...وترجع تاني وحيد في قبرك زي ما كنت وحيد في بطن امك..

لما

لما ابتديت تمشي كنت بتلاقي اللي ماسكلك إيدك وبيمشي معاك وبيدلك على خطوتك...بس لما عرفت تخطي خطوتك بنفسك لقيت رجليك هي اللي مسبتاك على الأرض...ساعات بيبقى نفسك تلاقي اللي واقفلك في ضهرك زي زمان و يلحقك قبل ما تقع...بس بترجع تاني تفوق وتلاقي نفسك لوحدك ولازم انت اللي تشيل نفسك وتختار طريقك بنفسك...هي الدنيا كده بتتولد وكل الناس حواليك... يجي عليك فتره تلقى نفسك لوحدك...وفي اواخر أيامك تلقى كل اللي اتجمعوا يوم ميلادك اتجمعوا يوم مماتك...وترجع تاني وحيد في قبرك زي ما كنت وحيد في بطن امك..

بص لنفسك

 انت بتقابله في صفه او اكتر بتعجبك فيه تخليك تتشدله وانت بتكلمه...تحب طريقته في الكلام...بس لو اكتشفت فيه عيب بتكرهه و تبتدي تفكر في العيب ده و تقول ده طلع مش زي مانا كنت فاكره...وتبتدي تعمل من العيب ده عيوب كتيير واكنه ابليس اللي انت بتتكلم عليه مش بني ادم من لحم ودم...متمسكش في عيوب الناس وتنسى نفسك... وتبقى زي الاتنين اللي واقفين قدام المرايا واحد مش باصص على نفسه وكل همه انه يطلع حاجه وحشه في اللي جنبه و يبص للي جنبه و يقوله شعرك وحش وايه اللي انت عامله في نفسك ده..الطقم ده مش حلو عليك...بص لنفسك في المرايا الأول وشوف ايه اللي عايز يتظبط فيك واعرف ان انت كمان فيك عيوب ممكن تنفر اللي قدامك منك...
‫

العاقل في زمن المجانين

عارف لما تبقى دكتور نفساني و تمشي في طرقة المستشفى اللي كلها عنابر مجانين وكل ما هتدخل اوضه هتلاقي ان كل اللي جواها جنانه غير التاني....ولو حاولت تقنعه انه عنده مشكله ولازم يتعالج مش هيقتنع بكلامك...عشان هو شايف نفسه دماغه توزن بلد..و هيقول عليك انت اللي مجنون ودماغك عايزه تتشال و تتحط مكانها دماغ تانيه وده دكتور شغلانته يقول على كل الناس مجانين امال هيكسب منين...اهو ده بقى حالنا كل واحد شايف نفسه هو الصح واللي قدامه غلط و مش بيفهم زيه...وممكن كمان توصل انهم يخسروا بعض لمجرد انهم مش متفقين وكل واحد شايف حاجه غير التاني...
‫

غيبوبه

كل حاجه حوالينا بقت عباره عن شخص في غيبوبه بقالوا كتيير و محتارين يشيلوا الأجهزه و يسيبوه يموت ولا يستنوا يمكن تحصل معجزه و يفوق منها...وحياتنا بقت عامله زي العرييه العطلانه اللي بقالها اكتر من سنه مختطش خطوه بره المربع المركونه فيه....مفيش اي جديد بكره زي انهارده وامبارح زي بكره...واكننا بقينا ملتزمين بنمط معين في حياتنا وهو الثبات والوقوف محلك سر....زي اسامينا عمرها ما بتتغير زي ماتولدت بيها زي ما هتموت بيها...بس في اللي بيحاول يغير اسمه وهو عايش اللي هو عايز كل حاجه تبقى على مزاجه و مظبوطه حتى اسمه...حتى كل حاجه بنعملها عشان تخرجنا من اللي احنا قيه بقت زي الأكل اللي ملوش طعم بس  بتاكله عشان تسد جوعك مش اكتر...بس تفتكر احنا هنعمل ايه..هنفضل واقفين محلك سر زي العربيه و في الأخر هنتباع خرده ولا هنغير أسامينا؟..

التناقض...

ماشيين في مجتمع معاكس في كل حاجه...

همك الأكبر والوحيد وبتفكر فيه دايما هو نصك التحتاني...

 بقيت لو عايز تشد حد لحاجه لازم تكتب عليها 18+ ساعتها هتلاقي هجوم عجيب عليها اصلنا مجتمع بيموت في السفاله بطبعه...

بتندد للحريه و بذات حرية المرأه و في أبسط حاجه لو لقيت بنت بتدخن هتقول عليها منظرها مش لطيف...وتفضل تقول للبنت الحق في كل حاجه زيها زي الراجل بس لما تنوي تتجوز بتقول انا عايز واحده ملهاش في حاجه مطرح ماحطها ارجع الاقيها زي ماهي  و لو عارضتك في اي حاجه هتقولها انا الراجل وكلامي يمشي المفروض...

بتندد بحرية الرأي  مع انك لو دخلت مع حد في نقاش بتبقى متزمت في رأيك و مش عايز تسمع اللي قدامك وشايف نفسك انت اللي بتفهم عنه ومينفعش تكمل كلام معاه عشان بيعصبك و ممكن  توصل انك من جواك بتقول ياما نفسي اضربه بأي حاجه قدامي...

لو لقيت اي حد  بيكلمك بطريقه حلوه  يبقى يأما معجب بيك يأما عايز منك مصلحه انما منظور انه مهتم بيك كصديق مش اكتر بيتمحي من دماغك...

 لو كلمت اي بنت وعجبتك هي اه تعجبك وكل حاجه انما لما يقولك صاحبك انت شكلك وقعت و ناوي تخطبها ولا ايه ترد و تقوله انت عبيط دي مش للجواز دا انا هقضي معاها وقت وخلاص بس ليه مفكرتش ان لو مفيش واحد زيك تقضي معاه هي كمان وقت يمكن كانت تبقى مش كده ، بس برضه  في بنات ممكن تقول للشيطان والرذيله قوموا وانا اقعد مكانكوا...

بقيت بتشوف المحترم ملوش قيمه..واللي ملوش قيمه غالي اوي...

اللعب بعقول وقلوب الناس بقى عادي جدا وأكنهم كوتشينه في ايدك بتراهن بيهم في ترابيزة قمار ولما حد يسألك انت بتعشم اللي قدامك ليه طيب حرام كده ربنا هيحاسبك، ترد وانا مالي هو المدلوق...

ودايما ماشي  بمبدئ الكل بيغلط والكل المفروض يسامحك لو غلطت في حقه وفي اي موقف بينك و بين اي حد بترمي كل اللوم على غيرك وبتنسى فكرة ان كلنا بنغلط زي ماكنت واخدها حجتك  و عمرك ما بتفكر ان الغلط بيجي من الطرفين في اغلب الوقت...

دايما فاكر ان اي حاجه انت بتعملها يبقى اللي قدامك كمان بيعملها او زي ما بيقولوا (عشان انت شمال و عاشرت شمال كتير شايف كل اللي حواليك كده)....

التناقض...

ماشيين في مجتمع معاكس في كل حاجه...

همك الأكبر والوحيد وبتفكر فيه دايما هو نصك التحتاني...

 بقيت لو عايز تشد حد لحاجه لازم تكتب عليها 18+ ساعتها هتلاقي هجوم عجيب عليها اصلنا مجتمع بيموت في السفاله بطبعه...

بتندد للحريه و بذات حرية المرأه و في أبسط حاجه لو لقيت بنت بتدخن هتقول عليها منظرها مش لطيف...وتفضل تقول للبنت الحق في كل حاجه زيها زي الراجل بس لما تنوي تتجوز بتقول انا عايز واحده ملهاش في حاجه مطرح ماحطها ارجع الاقيها زي ماهي  و لو عارضتك في اي حاجه هتقولها انا الراجل وكلامي يمشي المفروض... 

بتندد بحرية الرأي  مع انك لو دخلت مع حد في نقاش بتبقى متزمت في رأيك و مش عايز تسمع اللي قدلمك وشايف نفسك انت اللي بتفهم عنه ومينفعش تكمل كلام معاه عشان بيعصبك و ممكن  توصل انك من جواك بتقول يانا نفسي اضريه بأي حاجه قدامي...

لو لقيت اي حد  بيكلمك بطريقه حلوه  يبقى يأما معجب بيك يأما عايز منك مصلحه انما منظور انه مهتم بيك كصديق مش اكتر بيتمحي من دماغك...

 لو كلمت اي بنت وعجبتك هي اه تعجبك وكل حاجه انما لما يقولك صاحبك انت شكلك وقعت و ناوي تخطبها ولا ايه ترد و تقوله انت عبيط دي مش للجواز دا انا هقضي معاها وقت وخلاص بس ليه مفكرتش ان لو مفيش واحد زيك تقضي معاه هي كمان وقت يمكن كانت تبقى مش كده ، بس في بنات ممكن تقول للشيطان والرذيله قوموا وانا اقعد مكانكوا...

بقيت شايف المحترم ملوش قيمه..واللي ملوش قيمه غالي اوي...

اللعب بعقول وقلوب الناس بقى عادي جدا وأكنهم كوتشينه في ايدك بتراهن بيهم في ترابيزة قمار ولما حد يسألك انت بتعشم اللي قدامك ليه طيب حرام كده ربنا هيحاسبك، ترد وانا مالي هو المدلوق...

ماشي  بمبدئ الكل بيغلط والكل المفروض يسامح لو غلط في حقه وفي اي موقف بينك و بين اي حد بترمي كل اللوم على غيرك وبتنسى فكرة ان كل انسان يخطئ و عمرك ما بتفكر ان الغلط بيجي من الطرفين في اغلب الوقت...

دايما فاكر ان اي حاجه انت بتعملها يبقى اللي قدامك كمان بيعملها او زي ما بيقولوا (عشان انت شمال و عاشرت شمال كتير شايف كل اللي حواليك كده)....

فكيف؟

كيف يقولون الوقت يقسي القلب و ينسينا اشياء وكأنها لم تحدث من قبل....وظللت انت كالختم العالق على الورق مهما مر الزمن و اصبح الورق يحمل كتل من التراب..يظل الختم كيفما هو لا يتأثر بشئ...حتما لا يعلمون ان هناك اشياء تظل في  عقولنا تطاردنا في الليل مثلما تطارد الرياح النوافذ ومهما حاولت إغلاقها تعود و تفتحه من جديد...

دنيا دواره

الدنيا غداره...ملهاش عزيز...واللي تسمعه متستغربوش...بكره تلاقي نفسك مكانه...واللي يشوف بلاوي الناس تهون عليه بلوته...عمرك ما تحس بالحاجه إلا لما تحط نفسك مكانها...ولا هتحس بقيمة الحاجه إلا لما تضيع من إيدك...وعمرك ما تتعلم من غلطك إلا لو كان وجعك أوي...واللي جه عليك أنهرده بكره خلاص الحقوق هيخلصلك حقك منه...حتى لو بعد وقت طويل لما يتعمل فيه نفس اللي عمله فيك وزياده هتلاقيه بيفتكرك...واللي انهرده معاك بكره تلاقيه عليك...

الموت

الموت...رحله من مكان لمكان...بس الفرق ان مش أنت اللي بتقرر امتى معاد رحلتك...ولا أنت اللي بتودع اللي بيحبك وتقوله اشوف وشك بخير...اللي بيحبك هو اللي هيودعك ومن جواه بيقولك اشوفك في مكان أحسن..متخفش عمري ما هنساك...رحيلك عن الدنيا هو ولا حاجه قصاد انك تفضل عايش جوا اللي بيحبك ويفضل حاسس بروحك حواليه أكنك لسه جمبه ويفضل فاكرك بكل حاجه كنت بتعملها ويعلمها لأقرب حد ليه...

حاجات

في حياة كل واحد فينا في...حاجات بيحبها بتخليه مبسوط واكنه عايش في كوكب تاني...حاجات بيكرها ومش عايز يبقى ليها وجود في دنيته...لحظات مرت عليه في حياته كان فيها طاير من الفرحه مرت واكنها ثواني وبيتمنى ترجع تاني و يحس بنفس الأحساس اللي كان حاسه وقتها...ولحظات كان الحزن محاوطه من كل ناحيه مرت عليه واكنه شخص محكوم عليه بمؤبد في زنزانه متر في متر مفيهاش نقطة نور...حاجات كان بيتمناها ومكنش عايز غيرها من الدنيا بس مانلهاش...حاجات لسه بيتمناها و مستني تتحقق في يوم واكنه واقف في طابور مايعرفش اخره ومستني دوره...حاجات نفسه يعملها بس متردد وخايف من نتيجتها...وحاجات قرر انه يعملها من غير ما يفكر في العواقب اللي ممكن تحصل...حاجات ندمان عليها و بيلوم نفسه لحد دلوقتي انه عملها و بيتمنى الزمن يرجع بيه لورا ويغيرها...حاجات مخلياه كاره نفسه و بيقول جواه انا ازاي عملت كده وليه...وحاجات بتخليه فخور بنفسه من اللي حققه ووصله...و كتيير مننا ضيع فرصه جاتله وندمان عليها لحد دلوقتي...وفي اللي اغتنمها وغيرت له حياته....والحاجه الوحيده اللي ممكن تضعفنا حتى لو مشاعرنا كانت اقوى من الحجر هو الحب...في مننا ما صدق انه لقى نصه التاني اللي كان بيدور عليه..بيكمله..واقف جمبه زي ضله في كل حاجه هو بيعملها وهوضه عن كل حاجه كانت ناقصه في حياته وكان نفسه يقابله من زمان....وفي اللي عشق شخص بكل معنى الكلمه بس للأسف خذله و سابله جرح بيكبر كل يوم عن اللي قبله وبيندم على اللحظه اللي عرفه فيها...وجوا كل واحد فينا حاجات عمره ما بيحكيها لحد...وجوا كل واحد فينا دنيا تانيه كان نفسه يعيشها بس معرفش فقرر يعيش فيها  في خياله كل يوم قبل ما ينام او لما يكون عايز يهرب من الواقع اللي هو عايش فيه....

هيحصل ايه؟

بتحصل اتك تبقى عايز حاجه ومش عارف ايه هي  و نفسك توصلها بس ازاي برضه متعرفش...بس المهم تخرجك  من اللي انت فيه اللي هو ايه انت  برضه مش عارف ولا قادر تحدد الإحساس اللي جواك او توصفه...واكن خيوط كتيير بتلف حواليك وبتحاول توصل لرقبتك عشان تخنقك و تخلصك من الدنيا باللي فيها...تفتكر بقى الإحساس ده هيزول في يوم ولا هيفضل حواليك و يموت فيك جزء جزء بالبطئ لحد ما يجي الموت الأكبر ويخدك كومة عضم مفيش فيهم دليل واحد يقولك ان الشخص ده كان عايش في يوم وبيستمتع بكل حاجه حتى النفس اللي داخل وخارج منه...

العشره

نتيجة معاشرتنا للناس اتقلبت علينا بأثار سلبيه...كانوا يقولولنا متبقاش منطوي على نفسك اخرج و كون صداقات و خليك اجتماعي....بس احنا مخدناش  المفهوم الصح...عاشرنا الطيب..المنافق..البايظ..المثالي...بس للأسف بقينا فاكرين ان كل الناس زي بعض...لو قابلت الطيب والمثالي وكل صفاته كويسه بتفتكر ان كل اللي حواليك طيبين و يتوثق فيهم وتأمنهم وكأنهم اخواتك اللي مش هيئذوك في يوم وتصدق كل كلمه بتتقالك منهم  وبتبقى زي الاطرش في الزفه و مع اول موقف يطلع منهم هتلاقي قلم معلم على وشك...تعاشر المنافق والبايظ وكل صفه جواه اوحش من اللي قبلها تفتكر ان كل اللي حواليك كده ومتصدقش نص كلمه بتتقالك و تبقى زي الشخص اللي الشك عماه عن الصح وكل ميقولك كلمه تلاقي جواك بيقولك ده كداب متصدقهوش ما يما اضحك عليك من ناس شبهه قبل كده...ببساطه متأمنش لحد غير نفسك كلنا جوانا حتت خبث حتى لو مش بقصدنا...
حرص ولا تخونش ) ...ببساطه عامل زي ما اللي قدامك بيعاملك)

ولعنا بالأشياء

 ولعنا بالأشياء والأشخاص..ينطغئ مع الأيام...مثلما يعجبك شئ من ملابسك ف تلبسه طوال الوقت الى ان تمل منه...او حينما تعجبك اغنيه ف تسمعها مرارا و تكرارا الى ان تكرهها واحيانا ينتهي بك الأمر بحذفها من هاتفك...واحيانا ايضا  ينطفئ حينما نمتلكه فيصبح وكأنه اثاث من اثاثات المنزل تعودت عليه اعيننا ولا نعرف قيمته إلا عندالفقد...كل هذه الأشياء ليست شئ غريب فحتما حدثت او ستحدث لكل منا...فإنها عاده من عادات البشر ...

فاقد الشئ...

فاقد الشئ لا يعطيه..كلمه يؤمن بها الكل تقريبا..فكيف تكون ذو معنى حقيقي...وهناك الكثير من الأمور اخذت عكس مجراها...فكم من عاقر تعمل دكتورة توليد وفي كل ليله تخرج طفل لنور الحياه و تبذل كل ما في وسعها للحفاظ على حياته...وكم من يتيمه تتمنى ان تنجب بنت او انجبت واعطتها كل الحنان الذي انحرمت منه يوما...وكم من شاب علاقته مع ابيه لا تسر احد واصبح لأبنه صديق وليس اب يخشاه وينفر منه...وكم من امرأه لم تتزوح تعمل منسقة افراح..تجعل لكل بنت ليلة زفاف لا يتوقعها احد كانت تتمناها هي يوما ولم تحقق امنيتها فأصبحت تحقق لكل فتاه ماتحلم به في ليلة العمر...وكم من اخ كبير  توفى والده واصبح هو رجل البيت حرم نفسه من متعة الحياه فقط ليجعل اخوته البقيه اروع شئ تنظر له العين في يوم...فاقد الشئ يعطيه  احيانا..فهو يبحث عن اي شئ يعوض فيه ما انحرم منه في حياته.....

الزهق

احساس الزهق...احساس بس من غير تعريف لحد دلوقتي...ليه؟...عشان بيبقى جواك احساس غريب وانت مش عارف تعمله ايه...زي الطفل اللي عمال يعيط و عشان مش بيتكلم انت مش عارف تعمله ايه وحتى لما يسكت مش بتبقى عارف هو كان عنده ايه اصلا...انت بتبقى زهقان من كل حاجه تقريبا..انك مش لاقي حاجه تعملها..زهقان من نفسك...من حياتك..الروتين اليومي..الناس اللي حواليك...الدنيا باللي فيها..منمتش كويس ف بتصحى زهقان...وساعات بتبقى زهقان كده منك لنفسك من غير سبب و عشان تلاقي سبب تفضل تفتكر كل حاجه خنقاك...عشان كده الزهق اسم بس من غير تعريف...عشان مش بيبقى في سبب معين مخليك كده...وكمان عشان مجرد ما تعمل حاجه غير اللي كانت مزهقاك اصلا بتلاقي نفسك بقيت عادي مش زي الاول...

الحظ

 في ناس حظها في الدنيا......عامل زي اللي بينزل كل يوم الصبح يستنى الاتوبيس و يفضل مستني كتير وفي الاخر يطلع انه عدى من بدري...وفي اليوم اللي قرر ينزل فيه بدري و يستناه...السواق مخدش باله منه و كمل طريقه...

اعملك ايه

الدنيا بتغدر بينا...وانت شايل وكاتم في قلبك وفاكر انك لساك عايش والنبض  فيك...تبص لقلبك تسمع دقاته تقول ده لسه فيه الحياه...بس كل دقه فيها وجع واهات...نفسه يقولك هنشوف ايه اكتر من كده...تفتكر هقدر استحمل وجع تاني...تنام بليل وانت حاسس ان قلبك واجعك..تقول وجع وهيروح لحاله بكره هبقى كويس...اتاريه نفسه يقولك كفايه لحد كده..متعلقش نفسك بحد...انا جواك مش هخرج براك...محدش هيحس بيك غيري...بس انا برضه اللي بخليك تضعف وتحن قدام اللي بتحبه..مش عارف اعملك ايه ..افضل كده مش شايل هم حاجه ولا شايل حب لحد..هتحس انك وحيد...اجيبلك اللي يملى عليك الدنيا..اخاف  لا يرميك و ميسألش فيك...هنا وجع وهناك وجع..طب اعملك ايه!!!