لو كان الحزن دايم علينا...مكنتش دموعنا نشفت على خدنا...مكناش مسحناهم أول ما تيجي عينا في عين حد ونخبي كسرتنا بضحكه على وشنا وبكلمة مفيش...لو كانت الدنيا دايمه..مكناش خوفنا من بكره مخبيلنا إيه..كنا سيبنا كل اللي حوالينا نايمين زعلانين... مكناش ندمنا على حاجه عملناها وخدت عمرنا منا...لو كانت المفاجأة احسن من الانتظار... مكناش سهرنا الليل واحنا بنتمنى حاجه..نصحى تاني يوم نلاقيها في أيدنا..مكناش إتقهرنا لما لقيناها مبقتش لينا بعد طول انتظار...لو كان اللي حوالينا دايمين مكنش جه علينا يوم وحسينا فيه أننا لوحدنا..مكناش قولنا لما نسمع صوت حد بعد طول غياب ''ايه اللي فكرك بيا''..مكناش حسينا للحظه اننا متمسكين بإنسان بكل ما فينا عشان مش عايزينه يضيع من إيدنا...مكنش جه اليوم اللي أتكسرنا لفراق حد و حسينا اننا نفسنا نسمع منه مجرد كلمه أو نسأله على حاله..مكناش هنقول ''الله يمسيه بالخير''لما تيجي سيرته..لو كان الفرح دايم مكناش كل ما نضحك كتير نقول''خير اللهم اجعله خير''...لو الظلم كان دايم..مكنش في لكلمة''كما تدين تدان''وجود..مكنتش الدنيا لفت ودارت تخلص في حقوق ناس من ناس..اصل مفيش حاجه دايمه ولا بتفضل على حالها..
No comments:
Post a Comment